BEATITUDINES

Beati pauperes spiritu, quoniam ipsorum est regnum caelorum.

Beati mites, quoniam ipsi possidebunt terram.

Beati qui lugent, quoniam ipsi consolabuntur.

Beati qui esuriunt et sitiunt iustitiam, quoniam ipsi saturabuntur.

Beati misericordes, quoniam ipsi misericordiam consequentur.

Beati mundo corde, quoniam ipsi Deum videbunt.

Beati pacifici, quoniam filii Dei vocabuntur.

Beati qui persecutionem patiuntur propter iustitiam, 
quoniam ipsorum est regnum caelorum.

Beati estis, cum maledixerit vobis et persecuti vos fuerint et dixerint

omne malum adversum vos mantientes propter me: 
gaudete et exultate, quoniam merces vestra copiosa est in caelis; 
sic enim persecuti sunt prophetas qui fuerunt ante vos.